M.Esenbaev keden salasynyń aqparattyq júıesin jetildirýge ýáde berdi

ASTANA. 18 maýsym. QazAqparat - Búgin QR Qarjy mınıstrligi Kedendik baqylaý komıtetiniń janyndaǵy Konsýltatsııalyq keńestiń otyrysy barysynda atalmysh komıtet basshysy Májıt Esenbaev keden salasynyń aqparattyq júıesin jetildirýge ýáde berdi.

Jaqynda Kedendik baqylaý komıteti kásipkerler úshin shetelden Qazaqstanǵa ákelinetin taýar boıynsha aldyn ala esep berip, ol boıynsha barlyq málimetti arnaıy aqparattyq júıege jiberý mindetin engizgen bolatyn. Biraq ol júıe túsip jatqan esepterdiń kólemin kótere almaı, istemeı qalyp jatady. Osynyń saldarynan kásipkerler shekarada uzaq ýaqyt turyp, shyǵynǵa batýda.

Búgingi keńeste osy másele boıynsha habardar bolǵan Kedendik baqylaý komıtetiniń tóraǵasy M.Esenbaev, tıisti sharalardy qolǵa alyp, keden salasynyń aqparattyq júıesin jetildirýge ýáde berdi. «Iá, bizde ondaı aqaýlyqtar bar. Aldaǵy ýaqytta biz onyń bárin retke keltirip, aqparattyq júıeniń tolyqqandy jumys isteýin qamtamasyz etetin bolamyz», - dedi M.Esenbaev.