M.Esenbaev «Dostyq» keden beketiniń ujymyna jańa basshyny tanystyrdy

ASTANA. 13 qarasha. QazAqparat - QR Qarjy mınıstrligi Kedendik baqylaý komıtetiniń tóraǵasy Májıt Esenbaev jaqynda jumys saparymen «Dostyq» keden beketinde boldy.

Sapar barysynda komıtet tóraǵasy «Dostyq» kedenshiler ujymyna jańa  basshy Nurlan Ázimbaevty tanystyrdy. Ol buǵan deıin Shyǵys Qazaqstan oblysy boıynsha «Maıqapshaǵaı» keden beketiniń bastyǵy qyzmetin atqarǵan bolatyn.

Budan bólek, keden ujymymen kezdesý barysynda Komıtet tóraǵasy M. Esenbaev «Dostyq» stansasyn damytý perspektıvalaryn, shekaradaǵy kedendik baqylaý barysynda týyndaıtyn máselelerdi de talqylady. Sonymen qatar, jıyn barysynda Qytaı Halyq Respýblıkasynan Eýropaǵa jóneltiletin poıyz konteınerlerin ótkizý jyldamdyǵy boıynsha «Dostyq» kedeniniń jumysy oń baǵalandy.

Toqtala ketetin jaıt, 2012 jyldyń 10 aıynda «Dostyq» kedeni boıynsha 785 konteıner jóneltilip, jalpy júk aınalymy 13 mln. tonnadan asqan.

Kezdesýlar barysynda sonymen qatar, josparlanǵan mýltımodaldik tasymaldaý sharttaryn qarastyratyn kólik-logıstıkalyq ortalyqtyń qurylysy máseleleri de talqylandy.