ІІM elordada turǵyn úı qaptamasynyń qulaýy isine qatysty túsinik berdi
ASTANA. KAZINFORM — Іshki ister mınıstriniń orynbasary Sanjar Ádilov elordada turǵyn úı qasbetindegi kirpish qaptamasynyń qulaýy isine qatysty túsinik berdi.
- Eki qylmystyq is qozǵadyq. Birinshisi - sapasyz qurylys, al ekinshisi - qaýipsizdik talaptaryna saı kelmeıtin qyzmetterdi kórsetý. Osynyń saldarynan feldsher qaıtys boldy. Qazirgi kezde Ádilet mınıstrligi birqatar sot-medıtsınalyq saraptamany jasap jatyr jáne olardyń nátıjesin kútip otyrmyz. Astana ákimdigi tıisti mınıstrlikpen birlesip arnaıy tergeý júrgizip jatyr. Jaqyn arada osy boıynsha aktini alamyz dep oılaımyn, - dedi S. Ádilov Parlament Májilisinde tilshiler suraǵyna jaýap bere otyryp.
Eske sala keteıik, buǵan deıin Astananyń Almaty aýdanynda, Táýelsizdik dańǵyly, 24B mekenjaıynda toǵyz qabatty turǵyn úıdiń qasbetinen kirpishten jasalǵan syrtqy qaptama men kondıtsıoner qondyrǵysy qulap, bes adam zardap shekkenin jazǵan bolatynbyz.
Keıin ǵımarat opyrylǵanda zardap shekken feldsher kóz jumdy.
Bul jaǵdaı Qylmystyq kodekstiń 306-baby (qaýipsizdik talaptaryna saı kelmeıtin taýarlardy shyǵarý nemese satý, jumystardy oryndaý ne qyzmetter kórsetý) boıynsha tergelip jatyr.
Aıta keteıik, elordada medıtsınalyq kolledjdegi aýdıtorııaǵa qaza tapqan feldsherdiń esimi beriledi.