ІІM: Elimizde bopsalaý qylmysy 15%-ǵa azaıdy
ASTANA. KAZINFORM – Іshki ister mınıstrligi bopsalaýdyń aldyn alý jáne azamattardyń qaýipsizdigin qamtamasyz etý baǵytyndaǵy júıeli profılaktıkalyq jumystaryn jalǵastyryp jatyr, dep habarlaıdy Polisia.kz.
Ýaqtyly júrgizilgen jedel-profılaktıkalyq sharalardyń nátıjesinde tirkelgen bopsalaý faktileriniń sany 15%-ǵa tómendedi. Sonymen qatar atalǵan qylmystardyń ashylý kórsetkishi is júzinde júz paıyz deńgeıinde saqtalyp otyr.
Keıingi ýaqytta birneshe óńirde iri qylmystyq toptar men bopsalaýshylar quryqtaldy. Máselen, Abaı oblysynda profılaktıkalyq jáne jedel jumystardyń nátıjesinde oblys ortalyǵy turǵyndarynan aqsha bopsalaýmen aınalysqan 6 adamnan turatyn qylmystyq toptyń áreketine tosqaýyl qoıyldy. Qabyldanǵan sharalar olardyń odan ári zańsyz áreketter jasaýyna jol bermedi. Barlyq kúdikti ustaldy.
Pavlodar oblysynda stýdentterden aqsha bopsalady degen kúdikpen eki adam der kezinde qolǵa tústi. Polıtsııanyń jedel áreketteri jábirlenýshilerge jasalǵan qysymdy toqtatyp, olardyń qaýipsizdigin qamtamasyz etýge múmkindik berdi.
Almaty oblysynda áleýmettik jeliler arqyly júzege asyrylǵan bopsalaý shemasynyń joly kesildi. Polıtsııa qyzmetkerleriniń ýaqtyly aralasýy qylmystyń ári qaraı jalǵasýyna jol bermedi. Іske qatysy bar barlyq adamdar ustalyp, qamaýǵa alyndy.
Buǵan deıin habarlaǵanymyzdaı, Astanada adam urlap, bopsalaǵan 6 sheteldik sottaldy.
