M.Eleýsizov kezekten tys Prezıdent saılaýynda eń kemi 5 paıyz daýys jınaýdy kózdep otyr
ASTANA. 3 aqpan. QazAqparat /Aıdar Ospanalıev/ - Prezıdenttikke kandıdat Mels Eleýsizovtyń kezekten tys Prezıdent saılaýynda saılaýshylardyń kem degende 5 paıyz daýysyn jınaýdy kózdep otyr.
Bul týraly ol búgin Ortalyq saılaý komıssııasynan Prezıdenttikke kandıdattyǵyn rastaıtyn kýáligin alǵan soń jýrnalıstermen bolǵan suhbatynda málim etti.
Kandıdattyń sózine qaraǵanda, 5 paıyz daýys alý - onyń aldyǵa qoıǵan maqsaty. Al saılaýshylar budan kóp daýys berip jatsa, ol odan bas tartpaıdy. Al óziniń saılaýaldy tuǵyrnamasyna qatysty qoıylǵan saýalǵa ol: «Men osy ýaqytqa deıin kóp sharýalar tyndyrdym. Eń bastysy - men olardy adal atqardym. Meniń ómirim osyndaı. Men uzaq jyldardan beri ekologııa máselesimen aınalysyp kelemin. Osy jyldarda kóp is bitirdim jáne kóptegen azamattarǵa qol ushyn berdim dep aıta alamyn»,-dedi.
Sondaı-aq ol sózinde kezekten tys Prezıdent saılaýynda óziniń myqty qarsylastarmen básekege túskeli otyrǵandyǵyn jasyrmady.
