ІІM Quryltaı saılaýy týraly: jaǵdaı turaqty, qoǵamdyq tártipti óreskel buzý faktileri tirkelgen joq
ASTANA. KAZINFORM — Іshki ister mınıstrliginiń resmı ókili Shyńǵys Alekeshevtiń aıtýynsha, polıtsııanyń basty mindeti – daýys berý bastalǵannan aıaqtalǵanǵa deıin, qoǵamdyq tártip pen azamattardyń qaýipsizdigin qamtamasyz etý.
— Barlyq daıyndyq aldyn ala júrgizildi. Saılaý ýchaskeleriniń qaýipsizdigi tekserilip, olar táýlik boıy kúzetke alyndy. ІІM-de jedel shtab jumys istep jatyr. Eldiń barlyq óńirinen aqparat úzdiksiz, onlaın rejımde túsip otyr. Qazirgi ýaqytta eldegi jaǵdaı turaqty. Qoǵamdyq tártipti óreskel buzý faktileri tirkelgen joq, — dedi spıker onlaın-marafon aıasynda OKQ alańynda ótken brıfıngte.
QR ishki ister mınıstrliginiń resmı ókili polıtsııa saılaý protsesine aralaspaıtynyn atap ótti. Polıtsııa qyzmetkerleri daýys berý zalyna saılaý komıssııasynyń tóraǵasy shaqyrǵan jaǵdaıda jáne qoǵamdyq tártip buzylǵan kezde ǵana ony toqtatý úshin kire alady.
Aıta ketelik elimizde tarıhı Quryltaı saılaýy ótip jatyr. Sondaı-aq jalpyulttyq onlaın-marafon ótip jatqany týraly jazǵan edik.
