Ekibastuzda eki aǵaıyndy garajda sıntetıkalyq esirtki óndirýmen aınalysqan
ASTANA. KAZINFORM — Іshki ister mınıstrligi elimizde esirtki óndirýdi túbegeıli joıýǵa baǵyttalǵan maqsatty is-sharalardy júrgizip jatyr, — dep habarlaıdy Polisia.kz.
Jedel-tergeý is-sharalarynyń nátıjesinde Pavlodar oblysynyń Ekibastuz qalasynda sıntetıkalyq esirtki óndiretin zerthananyń qyzmetiniń joly kesildi. Jergilikti turǵyndar — aǵaıyndy eki azamat ustaldy. Olar turǵyn úıdiń aýlasynda tyıym salynǵan zattardy sıntezdeýge jabdyqtalǵan garajda «sıntetıkany» iri kólemde óndirýdi jolǵa qoıǵan.
Tintý barysynda 10 keliden astam «alfa-PVP» psıhotroptyq zaty, 860 lıtr hımııalyq suıyqtyq, onyń ishinde 300 lıtrlik reaktor-syıymdylyq, zerthanalyq ydystar, tarazylar jáne jeke qorǵanys quraldary tárkilendi.
Kúdiktilerdiń áreketterin «Signal» messendjerindegi kýrator úılestirip otyrǵany anyqtaldy. Ol esirtki óndirýdiń búkil tsıklin baqylap, olarǵa prekýrsorlar salynǵan jasyryn oryndardy qaldyryp otyrǵan. Esirtki óndirisin uıymdastyrý faktisi boıynsha Qylmystyq kodekstiń 297-1-babymen sotqa deıingi tergep-tekserý bastaldy.
Endi uıymdastyrýshylarǵa tipti ómir boıyna bas bostandyǵynan aıyrýǵa deıin qatań jazalaý sharasy taǵaıyndalýy múmkin. Kúdiktiler ýaqytsha ustaý ızolıatoryna qamaldy. Prekýrsorlardy jetkizý arnalaryn, sondaı-aq esirtki bıznesin uıymdastyrýǵa qatysy bar ózge de tulǵalardy anyqtaý boıynsha odan ári is-sharalar júrgizilip jatyr.
-Іshki ister mınıstrligi Qazaqstanda esirtki óndirisin jolǵa qoıýǵa baǵyttalǵan kez kelgen áreket qatań ári ymyrasyz túrde toqtatylatynyn eskertedi. Polıtsııa barlyq azamatty «Zań men tártipti» saqtaýǵa shaqyrady, -delingen habarlamada.
Osyǵan deıin Astanada esirtki taratýmen aınalysqan uıymdasqan toptyń músheleri sottalǵan bolatyn.
