ІІM: eGov portalyna zańsyz kirý faktileri tirkelgen joq
ASTANA. KAZINFORM - ІІM qazaqstandyqtardyń derbes derekteriniń satylymǵa shyǵarylǵany týraly aqparatqa qatysty pikir bildirdi, – dep habarlaıdy Polisia.kz.
Qazaqstan azamattarynyń derbes derekteri satylymǵa shyǵaryldy degen aqparat qoǵamda alańdaýshylyq týǵyzǵany baıqalady. Іshki ister mınıstrligi atalǵan aqparatty tekserdi. Búgingi tańda eGov portalyna zańsyz kirý nemese qol jetkizý faktileri tirkelgen joq. Sonymen qatar mundaı habarlandyrýdyń jarııalaný faktisi nazardan tys qalǵan joq.
-Qazirgi ýaqytta habarlandyrýdy ornalastyrǵan tulǵany, usynylyp otyrǵan derekterdiń qaıdan alynǵanyn, sondaı-aq olardy zańsyz alýǵa jáne taratýǵa qatysy bar barlyq adamdy anyqtaý boıynsha qajetti sharalar qabyldanyp jatyr, -delingen habarlamada.
Іshki ister mınıstrligi óz quzyreti sheginde azamattardyń derbes derekterin qorǵaýǵa qatysty konstıtýtsııalyq kepildikti iske asyrýǵa barynsha jaýapkershilikpen qaraıdy.
Konstıtýtsııanyń 21-babynda derbes derekterdi zańsyz jınaýdan, óńdeýden, saqtaýdan jáne paıdalanýdan, onyń ishinde tsıfrlyq tehnologııalardy qoldaný arqyly júzege asyrylatyn mundaı áreketterden qorǵaý tikeleı kózdelgen.
Osyǵan deıin QR Jasandy ıntellekt jáne tsıfrlyq damý mınıstrligi 15 mln adamnyń deregi tarady degen aqparatqa qatysty pikir bildirgen bolatyn.
