M.Djeksonnyń jeke dárigerine adam óltirdi degen aıyp taǵyldy
ASTANA. Aqpannyń 9-y. QazAqparat - Ánshi Maıkl Djeksonnyń jeke dárigeri Konrad Mıýrreıge qasaqana emes jaǵdaıda kisi óltirdi degen aıyp taǵyldy. Sot ókilderiniń habarlaýynsha, kinásin moıyndaǵan jaǵdaıda, Mıýrreıdi 4 jyl bas bostandyǵynan aıyrý jazasy kútip tur,
dep habarlaıdy RBK agenttigi.
Mıýrreıdiń advokaty - Ed Chernoff, sottyń sheshimi osylaı bolady dep kútilgenin, biraq sot moınyna qoıyp otyrǵan kináni dárigerdiń moıyndamaıtynyn atap kórsetti. Mıýrreıdiń ókili Mıranda Sevtsık, dárigerdiń ánshini óltiretindeı eshqandaı dári bermegenin jáne eshqandaı em-dom jazbaǵanyn málim etip otyr.
Budan buryn habarlaǵandaı, 2009 jyly maýsymnyń 25-inde M.Djeksonnyń júregi toqtap qalǵan kezde, onyń qasynda dál osy K.Mıýrreı bolǵan edi. Ánshige «jedel járdem» shaqyryldy, biraq, dárigerlerdiń barlyq kúsh-jigerine qaramastan, Djekson kóz jumǵan edi.
