M.Djeksonnyń dárigerine pop-juldyzdy qastandyqpen óltirmegen degen aıyp taǵyldy
TANA. 8 qarasha. QazAqparat - Ant bergen 12 adamnan turatyn sot alqasy álemge áıgili Maıkl Djeksondy qastandyqpen óltirgen joq degen is boıynsha onyń dárigeri Konrad Mıýrreıdi (Conrad Murray) kináli degen úkim shyǵardy.
Bul týraly Associated Press agenttigine silteme jasaı oyryp RBK agenttigi jazady.
Endi álem juldyzy bolǵan M.Djeksonnyń dárigeri 4 jyl túrmege jabylyp, dárigerlik lıtsenzııasynan aıyrylady.
Esterińizge sala keteıik dúnıejúzine tanymal ártis M.Djekson 2009 jyldyń 25 maýsymynda 51 jasynda dúnıeden ozǵan. Onyń dárigerine ánshini qastandyqpen óltirmedi degen aıyp 2010 jyldyń qańtarynda aıtylǵan bolatyn. Osy is boıynsha tyńdaý alty apta boıy jalǵasyp, búgin sot alqasy óz úkimderin jarııa etti.
Aıyptaýshylar K.Mıýrreı ánshige belgilengen mólsherden tym artyq deńgeıde uıyqtatatyn ekpe salǵandyqtan ánshi ony kótere almaı kóz jumǵan jáne dáriger ony qutqaryp qalý úshin eshqandaı áreket jasamaǵan degen sheshimge kelip, ony kináli dep tapty.
Dárigerdiń ózi bolsa kinásin moıyndamaýda.
