ІІM droperlik áreketterge qatysty turǵyndarǵa eskertý jasady
ASTANA. KAZINFORM - Dropperlik — qarjylyq alaıaqtyqtyń keń taralǵan túrleriniń biri. Bul — úshinshi tulǵalardyń zańsyz aqsha aınalymy úshin azamattardyń bank shottaryn nemese tólem kartalaryn paıdalanýy, dep habarlady QR ІІM bapasóz qyzmeti.
Baspasóz qyzmetiniń habarlaýynsha, alaıaqtar azamattardy aldap, «jeńil tabys» usynady. Mundaı usynystar qaýipsiz bolyp kóringenimen, olardyń artynda zańǵa qaıshy áreketter jatyr.
Polıtsııa bankter kúmándi qarjylyq operatsııalardy turaqty túrde baqylaýda ustaıtynyn eskertedi.
Eger qysqa ýaqyt ishinde kóptegen aýdarym jasalsa, ártúrli tulǵalardan qarajat tússe nemese shottar alaıaqtyqpen baılanysty bolsa, kelesi sharalar qabyldanady:
esepshotqa qyzmet kórsetýdi ýaqytsha shekteý;
júrgizilgen operatsııalar boıynsha túsiniktemeler men qujattar talap etý;
shottaǵy qarajatty tolyq buǵattaý;
materıaldardy quqyq qorǵaý organdaryna joldaý;
azamatty banktiń ýqara tizimineý engizý.
Mundaı jaǵdaıda azamat bank qyzmetterin paıdalaný múmkindiginen aıyrylady.
Este saqtańyz, Qazaqstan Respýblıkasynyń zańnamasyna sáıkes, dropperlik úshin qylmystyq jaýapkershilik kózdelgen. Zańdy bilmeý — jaýapkershilikten bosatpaıdy. Saq bolyńyz!
Osyǵan deıin Májilis depýtattary zań qabyldap, onda advokattyń quqyqtary keńeıtilip, «droperlik» úshin qylmystyq jaýaptylyq engizilgeni týraly jazdyq.
