ІІM Densaýlyq saqtaý mınıstrliginiń JSN qatelerine qatysty aıtqanyn joqqa shyǵardy
ASTANA. KAZINFORM — Іshki ister mınıstrligi Densaýlyq saqtaý mınıstrligi usynǵan skrınıng derekterindegi «anomalııalar» týraly málimdemege qatysty túsinikteme berdi.
Buǵan deıin Densaýlyq saqtaý mınıstri Aqmaral Álnazarova máseleniń keı azamattardyń JSN-indegi jetinshi tsıfrdyń júıede durys kórsetilmeýine baılanysty týyndap, sonyń saldarynan eseptik derekterde erler men áıelder arasyndaǵy sáıkessizdikter anyqtalǵanyn aıtqan edi.
Sonymen qatar ol atalǵan jaıt boıynsha ІІM-men birlesken jumys júrgizilip jatqanyn habarlaǵan bolatyn.
ІІM-niń túsindirýinshe, JSN — jeke tulǵaǵa bir ret beriletin jáne ómir boıy ózgermeıtin biregeı sáıkestendirgish. Ol memlekettik aqparattyq júıelerde azamattardy dál sáıkestendirý úshin qoldanylady. Vedomstvo ókilderi JSN quramyndaǵy tsıfrlar tehnıkalyq sıpatqa ıe ekenin atap ótti. Bul rette negizgi talap — nómirdiń biregeıligi.
— JSN azamattyń áleýmettik-demografııalyq sıpattamalaryn aıqyndaý nemese rastaý quraly emes. Memlekettik jáne medıtsınalyq qyzmetter kórsetý kezinde jynysy, týǵan kúni jáne ózge de derbes derekter tıisti memlekettik tirkelimder men salalyq aqparattyq júıelerdiń rastalǵan málimetteri negizinde paıdalanylýy tıis, — delingen ІІM taratqan aqparatta.
Sonymen qatar ІІM medıtsınalyq skrınıng nátıjeleriniń durystyǵy men patsıent derekteriniń shynaıylyǵy densaýlyq saqtaý uıymdary men olardyń aqparattyq júıeleri arqyly qamtamasyz etiletinin atap ótti.
Buǵan deıin Astanada eki jekemenshik klınıkanyń basshysy MÁMS-ten 682 mıllıon teńge jymqyrdy degen kúdikke ilingen edi.
Sonymen qatar 2026 jylǵy 1 qańtardan bastap QR shet elderdegi mekemeleri sheteldik azamattarǵa JSN berýdi toqtatty.
