M.Demeýov: Saılaý kúni qoǵamdyq tártipti saqtaýǵa 20 myńnan astam polıtsııa qyzmetkeri jumyldyryldy
ASTANA. QazAqparat - Saılaý kúni qoǵamdyq tártipti saqtaýǵa 20 myńnan astam polıtsııa qyzmetkeri jumyldyryldy. Bul týraly búgin QR Ortalyq saılaý komıssııasynda ótken brıfıngte QR Іshki ister mınıstriniń birinshi orynbasary Marat Demeýov aıtty.
«Saılaý kúni qoǵamdyq tártipti saqtaýǵa 20 myńnan astam polıtsııa qyzmetkeri jumyldyrylyp, olar kúsheıtilgen rejimde jumys istep jatyr», - dedi ol BAQ ókilderiniń saýalyna oraı.
Sonymen qatar ol senimdi ókilder, baıqaýshylar men jýrnalıster saılaý ýchaskesinde foto-beıne túsirilimder júrgizýge quqyly ekenin atap ótti.
«Eń bastysy, túsirilimder saılaý komısııasynyń jumysyna kedergi keltirmeýi tıis. Sonymen qatar, fotojýrnalıste tıisti qujattary jáne jeke basyn kýálandyratyn qujaty bolý kerek», - dedi M.Demeýov.
