M.Demeýov QR ishki ister organdaryndaǵy sybaılas jemqorlyqqa qarsy baqylaýdy kúsheıtýdi tapsyrdy
ASTANA. QazAqparat - Іshki ister mınıstriniń birinshi orynbasary polıtsııa general-leıtenanty Marat Demeýov beıneselektorlyq keńes kezinde QR ІІM-degi sybaılas jemqorlyqqa baqylaýdy kúsheıtýdi tapsyrdy.
Keńeske Qazaqstan Respýblıkasynyń Memlekettik qyzmet isteri mınıstrliginiń Sybaılas jemqorlyqqa qarsy is-qımyl ulttyq bıýrosy tóraǵasynyń orynbasary Alık Shpekbaev qatysyp, Qazaqstan Respýblıkasynyń Sybaılas jemqorlyqqa qarsy sharalaryn tanystyrdy.
Keńestiń beıne-selektorlyq rejımde ótýi oǵan ortalyq apparat qyzmetteriniń barlyq basshylarynyń, Astana, Almaty qalalarynyń, oblystardyń jáne kóliktegi ІІD bastyqtary men jeke quramynyń qatysýyna múmkindik týdyrdy.
Marat Demeýov óziniń sózinde Qazaqstan Respýblıkasynyń Sybaılas jemqorlyqqa qarsy strategııasymen qatar vedomstvolyq 2016-2017 jyldarǵa arnalǵan ishki ister organdarynda sybaılas jemqorlyqqa qarsy is-qımyl baǵdarlamasy iske asyrylyp jatqanyn atap kórsetti. Jeke quramnyń tártiptiń, zańdylyqtyń jáne sybaılas jemqorlyqqa qarsy zańnamanyń saqtalýyna birinshi basshylardyń derbes jaýapkershiligi kúsheıtildi.
2015 jyly jeke quram arasynda tártip pen zańdylyqty nyǵaıtý maqsatynda ishki ister organdarynyń ózindik qaýipsizdik bólinisteri quqyq buzýshylyqtardyń, onyń ishinde jemqorlyq áreketterdiń jolyn kesýge baǵyttalǵan úsh myńǵa jýyq jedel-profılaktıkalyq jáne reıdtik is-sharalar ótkizdi. Jumys oryndary boıynsha ashyq sot otyrystaryn ótkizý praktıkasy jalǵastyrylýda.
Beıne-selektor barysynda Alık Shpekbaev sybaılas jemqorlyqqa qarsy zańnamanyń jańa erejelerin tanystyryp, «Sybaılas jemqorlyqqa qarsy is-qımyl týraly» jáne «Memlekettik qyzmet týraly» qabyldanǵan zańdardyń mańyzdylyǵyn atap ótti. Sonymen birge jyldyń basynan bastap praktıkaǵa engizilgen sybaılas jemqorlyqqa qarsy monıtorıng, sybaılas jemqorlyq táýekelderiniń taldaýy sııaqty sybaılas jemqorlyqqa qarsy jańa tetikter, sondaı-aq sybaılas jemqorlyqqa qarsy shekteýler men standarttar túsindirildi.
Keńes qorytyndysy boıynsha M.Demeýov aýmaqtyq ishki ister organdarynyń barlyq basshylaryna sybaılas jemqorlyqqa qarsy zańnamany saqtaýdy jáne ishki ister organdarynda sybaılas jemqorlyqty joıýdy, sondaı-aq ishki ister organdary qyzmetkerleri arasynda qylmysqa jol bermeý boıynsha profılaktıkalyq jumysty uıymdastyrýdy qamtamasyz etý úshin naqty sharalar qabyldaýdy tapsyrdy.
