ІІM-de kıberqylmysqa qarsy is-qımyl departamenti quryldy

ASTANA. KAZINFORM – Memleket basshysynyń kıberqylmysqa qarsy kúresti kúsheıtý jónindegi tapsyrmasyn oryndaý sheńberinde Іshki ister mınıstrliginde jańa beıindi departament quryldy, – dep habarlaıdy mınıstrliktiń baspasóz qyzmeti.

Bul bastama azamattardy zamanaýı qaýip – kıberqylmystan qorǵaýǵa baǵyttalǵan. Departament kıberqylmystardy anyqtaýmen jáne ashýmen, olarmen kúreste strategııalyq qadamdardy ázirleýmen aınalysatyn bolady.

– Tehnologııalardyń qarqyndy damýy jáne ınternet-qaterler sanynyń artýyna baılanysty mamandandyrylǵan arnaıy bólinis qurý qazirgi zamanaýı qaýipke neǵurlym tıimdi jaýap berýge múmkindik beredi, – dep atap ótti Іshki ister mınıstri Erjan Sadenov.

ІІM basshysy jeke quramǵa jańa departament bastyǵy polıtsııa polkovnıgi Jandos Súıinbaıdy tanystyrdy.

Byltyr kıberqylmystan azamattarǵa 21 mlrd teńge shyǵyn kelgenin jazǵan bolatynbyz.