ІІM: daýys berý barysyndaǵy qoǵamdyq tártip tolyq baqylaýda
ASTANA. KAZINFORM – Búgin el boıynsha ishki ister organdarynyń qyzmetkerleri respýblıkalyq referendýmnyń qaýipsiz ótýin qamtamasyz etedi.
Barlyq jeke quram kúsheıtilgen qyzmet rejımine kóshirildi.
Bul týraly OKQ alańynda ótip jatqan «Referendým — 2026» onlaın-marafony barysynda ІІM resmı ókili Shyńǵys Álekeshev habarlady.
Onyń aıtýynsha, basshylyq jáne komandalyq quram — táýlik boıy kezekshilik atqarady.
Memlekettik organdarmen birlesip referendým ýchaskeleri aldyn ala tekserildi. Olardyń tehnıkalyq qaýipsizdigi, órt qaýipsizdigi jáne terrorızmge qarsy qorǵanysy qaraldy. Barlyq ýchaske táýlik boıy baqylaýǵa alyndy.
— Polıtsııa qyzmetkerleri daýys berý zaldarynda bolmaıdy. Olar tek komıssııa tóraǵasynyń shaqyrýymen jáne qoǵamdyq tártip buzylǵan jaǵdaıda ǵana kire alady. Qazirgi ýaqytta eldegi jaǵdaı — turaqty, tolyq baqylaýda.
Qoǵamdyq tártip buzý faktileri tirkelgen joq. Іshki ister mınıstrligi — azamattardy zańdy saqtaýǵa jáne qaýipsizdik sharalaryna túsinistikpen qaraýǵa shaqyrady, — dedi Shyńǵys Álekeshev.
Aıta ketelik «Referendým–2026» respýblıkalyq onlaın marafony ótip jatyr.