ІІM Danııar Meıirhanǵa qatysty protsessýaldyq tekseris júrgizip jatyr
ASTANA. KAZINFORM — QR Іshki ister mınıstriniń orynbasary Sanjar Ádilov Esirtki qylmysy komıtetiniń tóraǵasy Danııar Meıirhanǵa qarsy qylmystyq is qozǵalǵany jónindegi aqparatqa qatysty málimdeme jasady.
Onyń sózinshe, birneshe qyzmetkerdiń aryz-talabyna baılanysty tekseris taǵaıyndalǵan. Ár shaǵym muqııat zertteýdi talap etedi.
— Danııar Meıirhanǵa qatysty túsken shaǵym tolyq ári obektıvti túrde tergeledi. Qazir ol qyzmettik mindetterinen shettetilgen. Qyzmettik tekseris, sonyń ishinde protsessýaldyq tekseris júrip jatyr, — dedi S. Ádilov Májilis kýlýarynda.
Sondaı-aq jýrnalıster «Danııar Meıirhanǵa qatysty buǵan deıingi janjaldar qaıtadan qarala ma?» — dep surady.
— Aldyńǵy faktilerge qatysty tekseris jáne sotqa deıingi tergeý júrgizildi. Prokýratýra olarǵa baılanysty negizi bar, protsessýaldyq sheshimder qabyldady. Sondyqtan bul ister qaıta qarastyrylmaıdy, — dedi Іshki ister mınıstriniń orynbasary.
Aıta keteıik, buǵan deıin Astanadaǵy Esirtki qylmysy komıtetiniń basshysy Danııar Meıirhan qyzmetinen shettetilgenin jazǵanbyz.
