M. Bortnık: Depýtattar reformalardy júzege asyrýdy zańnamalyq turǵyda qamtamasyz etý úshin qyzmet etedi
ASTANA. QazAqparat - Ótken saılaýdyń nátıjeleri Qazaqstan halqynyń yntymaq pen damýdy, reformalardy jáne memleketimizdiń álemniń damyǵan 30 eliniń qataryna enýdi qoldaıtynyn taǵy da dáleldedi.
Bul reformalar men jańarýlardy barsha qazaqstandar Elbasymyz Nursultan Ábishuly Nazarbaevtyń atymen baılanystyrady. Saılaýdyń nátıjeleri men saılaý ýchaskelerine saılaýshylardyń belsendilikpen kelýi jáne Prezıdent N.Nazarbaevqa berilgen daýys osyǵan dálel bolyp otyr. Bundaı pikirdi Parlament Senatynyń depýtaty Mıhaıl Bortnık aıtty.
«Búgingi kúni ulyqtaý kezinde Memleket basshysy Qazaqstanda 5 ınstıtýttyq reformany iske asyrý jónindegi ulttyq jospar jarııa etiletini týraly aıtty. Meniń oıymsha, árbir qazaqstandyq ol reformalardy qoldaı otyryp, júzege asyrýǵa bar kúsh-jigerin salatyn bolady.
Árıne, depýtattar da reformalardy júzege asyrýdy zańnamalyq turǵyda qamtamasyz etý úshin qyzmet etetin bolady. Ol bizdiń memleketimizdiń jarqyn bolashaqqa qarqyndy ilgerileýine múmkindik beredi.
Saılaýǵa jastar belsendi qatysty. Men saılaý ýchaskelerinde buryn jastardyń osynsha belsendiligin kórgen joq edim. Jastardyń belsendiligi eldiń damýyna, memlekettiń damýyna olardyń múddeli ekenin jáne elimizdegi reformalardy jastardyń qoldaıtynyn aıǵaqtap otyr. Bul bizdiń baǵytymyzdyń durys ekenin kórsetedi», - deıdi ol.
