ІІM: Bes aıda mal urlaýmen aınalysqan 58 top ustaldy
ASTANA.KAZINFORM – 2026 jyldyń bes aıynda elimiz boıynsha 266 mal urlyǵy tirkeldi, bul ótken jyldyń sáıkes kezeńimen salystyrǵanda 11%-ǵa tómen, dep habarlaıdy Polisia.kz.
-Sonymen qatar mal urlyǵyn ashý kórsetkishinde oń dınamıka baıqalady. Qabyldanǵan sharalardyń nátıjesinde mal urlyǵyna qatysy bar 258 adam ustalyp, 58 qylmystyq toptyń áreketi toqtatyldy. Urlanǵan 1730 bas maldyń 1007-si ıelerine qaıtaryldy. Jambyl oblysynda polıtsııa jalpy quny 15 mıllıon teńgeden asatyn 25 bas iri qara maldyń urlaný deregin ashty,-delingen habarlamada.
Sonymen qatar onda jedel-izdestirý is-sharalary barysynda óńirdiń úsh turǵyny ustalǵany aıtylady.
Olar túngi ýaqytta júk kóligin paıdalanyp, jaıylymnan mal urlap, keıin onyń bir bóligin deldaldar arqyly satyp jibergen.
Qazirgi ýaqytta kúdiktiler ustalyp, ýaqytsha ustaý ızolıatoryna qamaldy. Urlanǵan mal zańdy ıesine qaıtaryldy.
Іshki ister mınıstrligi aýyl sharýashylyǵy janýarlarynyń ıelerin maldy qaraýsyz erkin jaıylymǵa jibermeýge, ony ýaqtyly tańbalap, mal joǵalǵan jaǵdaıda polıtsııaǵa dereý habarlaýǵa shaqyrady.
Osyǵan deıin SQO-da mal urlyǵyna kúdikti tórt jigit ustalǵany týraly jazdyq.
