ІІM basshysy sottalǵan Kárim Másimovtyń densaýlyq jaǵdaıy týraly aıtyp berdi
ASTANA. KAZINFORM — QR Іshki ister mınıstri Erjan Sadenov bas bostandyǵynan aıyrylǵan QR Ulttyq qaýipsizdik komıtetiniń burynǵy tóraǵasy Kárim Másimovtiń densaýlyq jaǵdaıyna qatysty túsinik berdi.
— Resmı túrde aıtamyn: jaǵdaıy qalypty. Ol sot úkimine sáıkes, bas bostandyǵynan aıyrý mekemesinde otyr, — dedi Erjan Sádenov Parlament Májilisinde tilshiler suraǵyna jaýap bere otyryp.
Esterińizge sala ketsek, 2022 jyldyń qańtarynda Kárim Másimovtiń ústinen memleketke opasyzdyq jasaý faktisimen sotqa deıingi tergeý bastalǵany málim boldy. Ol Ulttyq qaýipsizdik komıtetiniń tóraǵasy laýazymynan 6 qańtarda bosatylyp, 8 qańtar kúngi tutqynǵa alyndy jáne tergeý ızolıatoryna qamaldy.
Kárim Másimovke qańtar oqıǵasy boıynsha aıyp taǵylǵan bolatyn. Bas prokýror Berik Asylov atap ótkendeı, tártipsizdik kezinde Másimovtiń tapsyrmasy boıynsha UQK departamentteriniń jeke quramy jumys ornyn tastap ketken.
2023 jyly sáýir aıynda Kárim Másimovtiń múlkin tárkilep, memlekettik qyzmette laýazym atqarý quqynan ómir boıyna aıyrý arqyly 18 jylǵa sottaldy.