ІІM basshysy kıberqylmyspen kúrestegi jańashyldyqtar týraly aıtty

ASTANA. KAZINFORM – Іshki ister mınıstri Erjan Sádenov Ortalyq kommýnıkatsııalar qyzmetiniń podkastynda kıberqylmyspen kúresýdiń jańa ádisteri týraly aıtty.

интернет алаяқтық
Фото: Midjourney

Máseleniń aýqymyn kórsetkishterden túsinýge bolady: eger 2017-2018 jyldary jyl ishinde 5 myńǵa jýyq ınternet-alaıaqtyq tirkelse, 2020-2021 jyldary bul kórsetkish 20 myńǵa deıin artqan.

– 2017 jyly quraldar kóp bolmaǵanyn aıta ketken jón. Byltyr Kıberqylmyspen kúres departamenti ashyldy. Buǵan deıin bul máselemen Krımınaldyq polıtsııa departamenti aınalysqan. Problemalar kóbeıip barady. Ókinishke qaraı, qoǵamnyń, azamattarymyzdyń qarjylyq saýattylyǵy tómen. Senip qalady. Tez aqsha, tez paıda tapqysy keledi. Búginde quraldardyń bári bar. Bul máselemen Іshki ister mınıstrligi ǵana emes, bank te aınalysady. Kóp zańnamaǵa ózgerister engizdik. Bankterde anti-fraud júıesi bar: kúmándi mámileler, nesıe rásimdeý sııaqty jaǵdaılar bolǵan kezde bankter muny ózderi toqtatyp, bizge málimet beredi. Prokýratýra, Qarjylyq monıtorıng agenttigi, UQK, Qarjy naryǵyn retteý jáne damytý agenttigi, bankter, búkil memlekettik organdar osy salada osyǵan jaýapty. Jumyla jumys istep jatyrmyz, jaqsy nátıjeler bar, - dedi ІІM basshysy.

Álemdik tájirıbede de keńinen qoldanylyp, qabyldanyp jatyr.

– Endi qylmysty anyqtaý, ashý máselesi ǵana emes, oqytý, qoǵamǵa jetkizý máselesi de qaralady. Ony mektepterden bastaýymyz kerek. Akademııalarymyzda IT mamandardy daıyndaıtyn fakýltetter ashamyz. Buryn olar leıtenant, sportshy, zańdy biletin qarýly adam bolsa, endi sáıkesinshe, biliktilik talaptary boıynsha IT mamandar, – dedi Erjan Sádenov.

Qabyldanǵan sharalardyń nátıjesinde alaıaqtardyń 65 mln qońyraýy buǵattaldy, 2 mlrd teńgeden astam qarjyny alaıaqtarǵa aýdarýǵa jol berilmedi. Jyl basynan beri ınternet alaıaqtyq jasaǵany úshin 115 adam qylmystyq jaýapkershilikke tartyldy.

Aıta keteıik, ІІM suranysqa ıe 5 qyzmet túrin atady.

 

Сейчас читают