ІІM mınıstri áriptesterine Ulttyq ulannyń Bas qolbasshysyn tanystyrdy

ASTANA. KAZINFORM – QR Іshki ister mınıstri Erjan Sadenov polıtsııa vedomstvosynyń ortalyq apparatynyń qyzmet basshylaryna óziniń jańa orynbasary, Ulttyq ulannyń Bas qolbasshysy Ańsaǵan Baltabekovti tanystyrdy, – dep habarlaıdy Polisia.kz.

Ańsaǵan Ckenderuly Baltabekov memlekettik kúzet qyzmeti men ulttyq qaýipsizdik organdarynyń túrli ofıtserlik jáne basshylyq laýazymdarynda qyzmet etken.

Mınıstr jańa basshynyń basqarýymen Ulttyq ulannyń zamanaýı qaterlerge jedel den qoıatyn aldyńǵy qatarly vedomstvoǵa aınalatynyna senim bildirdi. Sondaı-aq ol jeke quramnyń jaýyngerlik daıyndyq deńgeıin arttyrý jáne materıaldyq–tehnıkalyq jaraqtandyrýmen qamtamasyz etýdi jaqsartý sııaqty jumystyń negizgi baǵyttaryn atap ótti.

– Sizdiń kásibıligińiz ben eńbekqorlyǵyńyz Ulttyq ulannyń aldynda turǵan mindetterdi tıimdi sheshýge kómektesedi dep oılaımyn, – dedi Erjan Sadenov.

Vedomstvo basshysy oǵan qyzmette sáttilik tiledi.