M.Ázilhanov: «E-Islam» portalynyń basty maqsaty - adam boıynda dástúrli rýhanı qundylyqtardy qalyptastyrý
ASTANA. 28 qarasha. QazAqparat - «E-Islam» portalynyń basty maqsaty - adam boıynda dástúrli rýhanı qundylyqtardy qalyptastyrý. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde atalǵan portaldy tanystyrýǵa arnalǵan brıfıngte QR Din isteri agenttiginiń tóraǵasy Marat Ázilhanov aıtty.
«Islam portaly Qazaqstan Respýblıkasynyń Prezıdenti N.Nazarbaevtyń 2003 jyly Astana qalasynda ótken álemdik jáne dástúrli dinder kóshbasshylaryn shaqyrý týraly usynysyna 10 jyl tolýyna oraılastyrylyp ashyldy. Portaldyń tusakeser rásimi 13 qarasha kúni Qazaqstan Dintanýshylarynyń 3-shi forýmy barysynda BAQ ókilderiniń qatysýymen ótkizilgen edi. Bul portal Din isteri agenttigi men Rýhanı birlik qorynyń qoldaýymen quryldy», - dedi ol. Agenttik basshysynyń atap ótýinshe, portal ujymy salt-dástúrimizge sińip, ǵasyrdan-ǵasyrǵa jalǵasyp kele jatqan hanafı masǵabyndaǵy ıslam dininiń qundylyqtaryn kóptishishkke tereń taldaı otyryp, túsindirýmen júıeli túrde aınalysady. «Portaldyń basty maqsaty - adam boıynda dástúrli rýhanı qundylyqtardy qalyptastyrý, qazaqstandyq rýhanı dúnıetanym órisin arttyrý. Sonymen qatar búgingi kúni ózekti máselege aınalǵan dinı ekstremızm men terrorızmniń aldyn alýǵa baǵyttalǵan sharalardy barynsha nasıhattaıdy, - dedi M.Ázilhanov.
