ІІM azamattarǵa úndeý jasady

ASTANA. KAZINFORM — ІІM 15 naýryzda ótetin referendým qarsańynda azamattarǵa úndeý jasady. 

Іshki ister mınıstrligi referendým kezinde qoǵamdyq tártip pen qaýipsizdikti tolyq qamtamasyz etedi.

— Mundaı mańyzdy kezeńde áleýmettik jeliler men messendjerlerde jalǵan aqparattar men ádeıi taratylatyn arandatý habarlamalary jıi kezdesip jatady. Olardyń maqsaty — qoǵamdy adastyrý jáne jaǵdaıdy turaqsyzdandyrý.

Búginde tsıfrlyq tehnologııalar men jasandy ıntellektiniń damýyna baılanysty jalǵan kontent jasaý burynǵydan áldeqaıda jeńildedi. Qysqa ýaqytta shyndyqqa uqsas, biraq adamdardy jańylystyratyn jalǵan materıaldar taralýy múmkin, — delingen ІІM habarlamasynda.

Mınıstrlik kórineý jalǵan aqparat taratý — zań buzý, mundaı áreket úshin ákimshilik te, qylmystyq ta jaýapkershilik qarastyrylǵanynyn eske saldy.

— Azamattardy zań talaptaryn saqtaýǵa jáne tekserilmegen aqparatty taratpaýǵa, aqparattyq mádenıetti saqtaýǵa shaqyramyz. Kúmándi habarlamalardy kórseńizder, ony ári qaraı jibermeńizder. Jalǵan aqparat kóbine dál osylaı taralady.

Іshki ister mınıstrligi referendým kezinde qoǵamdyq tártip pen qaýipsizdikti tolyq qamtamasyz etedi. Jalǵan aqparat taratý jáne arandatýshylyq áreketter jedel anyqtalyp, den qoıylyp, zań aıasynda qatań qaralady. Sondyqtan tek resmı jáne senimdi aqparat kózderine ǵana senińizder, — dedi departament bastyǵy — ІІM resmı ókili Shyńǵys Álekeshev.

Aıta ketelik referendýmnyń qarsańyndaǵy kún men referendým ótkiziletin kúni úgit júrgizýge tyıym salynady.