M.Aıtjanov - bokstan álemniń úzdik bapkeri
ASTANA. QazAqparat - Bokstan Qazaqstan ulttyq quramasynyń bas bapkeri Myrzaǵalı Aıtjanov Inchhonda ótken 17-shi Azııa oıyndarynda shákirtteriniń úzdik nátıjege qol jetkizgeni úshin «AIBA-nyń úzdik jyl bapkeri - 2014» mártebeli ataǵyna ıe boldy. Bul týraly QR Boks federatsııasynyń baspasóz qyzmetinen habarlady.
Aıta keterligi, M.Aıtjanov ótken jyly da Halyqaralyq boks qaýymdastyǵynyń osy joǵary nagradasyna ıe bolǵan. Ol kezde Qazaqstan quramasy Almatyda ótken bokstan álem chempıonatynda 4 altyn, 2 kúmis jáne 2 qola ıelengen edi. Al bıyl bas bapkerdiń shákirtteri 17-shi Azıada oıyndarynda 6 altyn, 1 kúmis, 1 qola enshiledi. Otandasymyzǵa AIBA dıplomy 24 qarashada Ońtústik Koreıanyń Djedjý qalasynda tabys etiledi.
