ІІM aýmaqtyq bólimshelerdiń jumysyndaǵy kemshilikterdi synǵa aldy
ASTANA. KAZINFORM — Іshki ister mınıstrliginde keńeıtilgen alqa otyrysy ótti. Osy jıynda múliktik qylmystar azaıyp, urlyq sany 16,4%-ǵa, al mal urlyǵy 15,8%-ǵa tómendegeni aıtyldy. Bul týraly Polisia.kz jazdy.
— Júıeli profılaktıkalyq jumystyń nátıjesinde múliktik qylmystar da tómendedi. Urlyqtar sany 16,4%-ǵa, mal urlyǵy 15,8%-ǵa qysqardy. Mal urlyǵyna qarsy kúres basym baǵyttardyń biri bolyp qala beredi, óıtkeni aýyl turǵyndarynyń kópshiligi úshin mal basynyń saqtalýy otbasynyń ál-aýqaty men sharýashylyǵynyń turaqtylyǵyna tikeleı áser etedi, — delingen habarlamada.
Mınıstr oń nátıjelerge qaramastan, bul bosańsýǵa sebep emes, kerisinshe ishki ister organdary jumysynyń tıimdiligin odan ári arttyrýǵa yntalandyrýy tıis ekenin atap ótti.
Alqa otyrysynda birqatar aýmaqtyq bólinister men qyzmetterdiń jumysyndaǵy kemshilikterge baǵa berildi. Basshylarǵa jumys nátıjeleri úshin jeke jaýapkershilik júktelip, anyqtalǵan olqylyqtardy jedel joıý jáne basqarý tıimdiligin arttyrý tapsyryldy.
Eske sala keteıik, Іshki ister organdarnda bıylǵy jyldyń birinshi jartyjyldyǵyndaǵy jedel-qyzmettik qyzmet qorytyndycy shyǵarylyp, aldaǵy kezeńge negizgi mindetter aıqyndaldy.
Jyl basynan beri transulttyq sıpatta, 38 qylmystyq is tirkelip, qylmystyq ortadan shyqqan 160-tan astam adam qylmystyq jaýapkershilikke tartyldy.
