ІІM aýǵandyq apıyn jetkizýdiń halyqaralyq arnasynyń jolyn kesti
ASTANA. KAZINFORM – Іshki ister mınıstrligi «Zań men Tártip» qaǵıdatyn iske asyrý aıasynda halyqaralyq esirtki tasymaly arnalarynyń jolyn kesý boıynsha arnaıy operatsııa júrgizdi.
ІІM málimetinshe, Qazaqstan men Qyrǵyzstan quqyq qorǵaý organdarynyń birlesken is-qımyly nátıjesinde apıyn tobyna jatatyn esirtki zattaryn jetkizýdiń syrtqy transulttyq arnasy anyqtalyp, onyń joly kesildi.
– Birlesken arnaıy operatsııa barysynda Shymkent qalasynda Qazaqstannyń eki azamaty ustaldy. Olardan shamamen 5 keli aýǵandyq apıyn tárkilendi, – dedi ІІM Esirtki qylmysyna qarsy is-qımyl komıteti basqarmasynyń bastyǵy Baqytjan Ámirhanov.
Atalǵan derek boıynsha QR Qylmystyq kodeksiniń 297-baby 3-bóligi boıynsha sotqa deıingi tergep-tekserý bastaldy.
Kúdiktiler ýaqytsha ustaý ızolıatoryna qamaldy.
– Qazirgi ýaqytta olardyń áreketterine esirtki kontrabandasy jáne transulttyq uıymdasqan qylmystyq topqa qatysý belgileri boıynsha qosymsha quqyqtyq baǵa berý máselesi qarastyrylyp jatyr, – dedi Baqytjan Ámirhanov.
Іshki ister mınıstrligi halyqaralyq yntymaqtastyqty nyǵaıtý aıasynda Qazaqstan aýmaǵyna esirtki jetkizýdiń syrtqy arnalarynyń jolyn kesý jáne el aýmaǵy arqyly ótetin esirtki tranzıtine qarsy baǵyttalǵan arnaıy operatsııalardy jalǵastyratynyn málimdedi.
Aıta keteıik, Almatyda esirtki taratqan 6 jasóspirim ustaldy: olar 10 jylǵa deıin qamalýy múmkin.
