M. Áýezov atyndaǵy teatrda "Kúlemiz be, jylaımyz ba?!..." qoıylymnyń premerasy ótýde
ALMATY. 8 qarasha. QazAqparat /Erlik Erjanuly/ - Almatydaǵy Qazaqtyń Muhtar Áýezov atyndaǵy memlekettik akademııalyq drama teatrynda "Kúlemiz be, jylaımyz ba?!..." dep atalatyn qoıylymnyń premerasy ótip jatyr.
Qoıylymnyń avtory - QR Eńbek sińirgen ártisi Murat Ahmanov, al qoıýshy rejısseri - Astana qalasyndaǵy Q. Qýanyshbaev atyndaǵy teatrdyń kórkemdik jetekshisi jáne dırektory Erkin Jýasbaı.
"Kúlip otyryp neni oılanyp, neni esten shyǵarmaý kerektigin eske salsaq degen maqsat bolǵan. Ol oryndaldy ǵoı degen pikirdemin. Qazir kúldirip aıtasyz ba, jylatyp aıtasyz ba eń úlken másele, adamdy jalyqtyrmaı aıtý, oı salýǵa múmkindik jasaý", - deıdi rejısser Erkin Jýasbaı. Onyń aıtýynsha, bolmysynan ajyrap bara jatqan urpaqtyń turmys saltyn kórsetý arqyly avtor bul qoıylymda kórermendi kúldirip otyryp, kózderine jas úıirtip, eriksiz oılandyrady. Odan sabaq alý - ár adamnyń paryzy.
