M. Áýezov atyndaǵy drama teatrynda "Imperııadaǵy kesh" dep atalatyn jańa qoıylymynyń premerasy ótti
ALMATY. 27 qazan. QazAqparat /Erlik Erjanuly/ - Keshe Almatydaǵy Qazaqtyń memlekettik Muhtar Áýezov atyndaǵy akademııaldyq drama teatrynda Serik Asylbekulynyń "Imperııadaǵy kesh" dep atalatyn dramasynyń premerasy boldy.
Qoıýshy-rejısseri - Alma Kákisheva, sýretshisi - Erlan Tuıaqov. Onda meıramhana ıesi, kásipker Aıdardyń týǵan kún keshine jınalǵan bir-birine dos-jarandaı kórinetin jandardyń shyn bet-beınesi ashylady. Qoıylymnyń basty keıipkerlerin Rýslan Senkebaev (Aıdar), Nurjan Beksultanova, (Uljalǵas), Ermek Bektasov (Bolat), Janat Tinbaev (Berikbol), Jalǵas Tolǵanbaı (Sultanbek Ertýǵanuly), Anar Bókenbaı (Gúlden), Dýlyǵa Aqmolda (Toıboldy), Gúlnar Jaqypova (Nursulý), Zarına Kármenova (Sánııa) men Qýanysh Mamytqalıev (Farabı) somdady.
"Bul meniń Serik Asylbekovtyń shyǵarmasymen jasaǵan alǵashqy rejısserlik jumysym. Buǵan deıin onyń "Kúzgi romans" qoıylymynda aktrısa retinde oınaǵanmyn. Pessany oqyǵan kezde bul taqyryptyń áli ashylmaǵan buǵyp jatqan qupııasy kóp ekenin baıqadym. Kóp oılanyp odan qoıylym jasaý qajet dep sheshtim", - deıdi Alma Kákisheva.
