ІІM Atyraýda ata-enesin óltirdi degen kúdiktiniń ustalǵan sátin jarııalady

ALMATY. KAZINFORM — ІІM Atyraý oblysyndaǵy ata-enesin óltirdi degen kúdiktiniń ustalǵan vıdeosyn jarııalady. 

QR Іshki ister mınıstrliginiń qyzmetkerleri sheteldik áriptestermen ózara is-qımyl nátıjesinde Indonezııa Respýblıkasynyń Lombok aralyndaǵy Senarý aýylynda asa aýyr qylmys jasady dep kúdikke ilingen er adamdy ustaǵan bolatyn.

Onymen birge burynǵy áıeli de anyqtalǵan. 

Aıta ketelik  Atyraýda ata-enesin óltirdi degen kúdikti Indonezııada ustalǵany týraly jazǵan edik. 

Sondaı-aq Іshki ister mınıstriniń orynbasary Sanjar Ádilov Atyraý oblysynda otbasy múshelerin óltirdi degen kúdikke eki adam ilingenin aıtqan edi.