M. Altynbaev Senattyń Halyqaralyq qatynastar qorǵanys jáne qaýipsizdik komıtetiniń múshesi bolyp taǵaıyndaldy

Búgin Parlament Senatynyń jalpy otyrysynda palata depýtattary osyndaı qaýly qabyldady, dep habarlaıdy QazAqparat.

Esterińizge sala keteıik, keshe Memleket basshysynyń Jarlyǵymen M. Altynbaev QR Parlamenti Senatynyń depýtaty bolyp taǵaıyndalǵan edi. M. Altynbaev Qazaqstan Qarýly kúshteriniń qalyptasýyna úlken úles qosqan azamattardyń biri. Belgili memleket qaıratkeri. Elimizdiń Qorǵanys mınıstrliginde uzaq jyldar boıy joǵary laýazymdy qyzmetter atqarǵan tájirıbesi mol áskerı maman. Senat depýtattyǵyna taǵaıyndalǵan M. Altynbaev Halyqaralyq qatynastar, qorǵanys jáne qaýipsizdik komıtetinde qyzmet isteýge tilek bildirgen. Jıyn barysynda Senat Tóraǵasy palata atynan M. Altynbaevty senator bolyp taǵaıyndalǵan qyzmetimen quttyqtap, zor tabys tiledi.