M. Altynbaev «Konstıtýtsııalyq zańdylyqty nyǵaıtýǵa qosqan úlesi úshin» medalimen marapattaldy
Búgin Senatta M. Altynbaevtyń 70 jyldyq mereıtoıyna baılanysty ótken saltanatty sharada QR Konstıtýtsııalyq Keńes Tóraǵasy Igor Rogov mereıtoıy ıesine marapatty tapsyrdy.
Keńes Tóraǵasynyń aıtýynsha, osydan eki jyl buryn QR Prezıdentiniń Jarlyǵymen «Konstıtýtsııalyq zańdylyqty nyǵaıtýǵa qosqan úlesi úshin» medali bekitilgen bolatyn.
«Qazaqstannyń Ata Zańynda Otandy qorǵaý Qazaqstan Respýblıkasy azamatynyń eń joǵary mártebeli boryshy retinde aıqyndalǵan. Konstıtýtsııany qorǵaý, memleketti qorǵaý - bul eń birinshi kezekte kez kelgen syrtqy qolsuǵýshylyqtardan egemen elimizdi qorǵaý. Muhtar Qapashuly bizdiń memlekettiligimizdiń ornyǵýyna, egemen elimizdiń táýelsiz áskerı qurylysyn qalyptastyrýǵa asa qomaqty úles qosqan biregeı tulǵa. Sondyqtan da, men Muhtar Qapashulynyń marapattarynyń kóp ekenine qýanamyn, ol osy marapattardyń barlyǵyna laıyqty tulǵa. Degenmen, Muhtar Qapashulyna bir ǵana marapat jetpeı turǵan tárizdi, osy olqylyqtyń ornyn toltyrǵym keledi», - degen I.Rogov mereıtoı ıesine arnaıy medaldi tabys etti.