ІІM: Almatyda kásipkerlerge qysym kórsetpek bolǵan top ustaldy

ASTANA. KAZINFORM — ІІM kásipkerlerge krımınaldyq qysym kórsetý áreketiniń jolyn kesti, dep habarlaıdy mınıstrliktiń baspasóz qyzmeti.

Іshki ister mınıstrligi qylmystyq toptardyń qyzmetin toqtatý jáne azamattardyń qaýipsizdigin qamtamasyz etý boıynsha júıeli jumys júrgizip keledi.

27 naýryz kúni Almaty qalasynda jedel ázirleme aıasynda adam urlaý jáne densaýlyqqa aýyr zııan keltirý faktilerine qatysty qylmystyq ister boıynsha jedel-tergeý is-sharalar kesheni júzege asyryldy.

— Úılestirilgen áreketterdiń nátıjesinde barlyq kúdikti anyqtalyp, ustaldy. 17 sanktsııalanǵan tintý júrgizildi. Zańsyz aınalymnan atys qarýlary, onyń ishinde sáıkestendirý nómirleri joq tapanshalar men Kalashnıkov avtomaty, sondaı-aq ártúrli kalıbrli 500-ge jýyq oq-dári tárkilendi. Jedel aqparatqa sáıkes tárkilengen qarý men oq-dárilerdi kásipkerlerge krımınaldyq qysym kórsetý úshin paıdalaný josparlanǵan, — deıdi tártip saqshylary.

Vedomstvo atap ótkendeı, quqyqqa qaıshy áreketterdiń der kezinde jolyn kesý aýyr zardaptardyń aldyn alýǵa múmkindik berdi. Bul baǵyttaǵy jumys jalǵasady.

«Zań men tártip» qaǵıdaty saqtalady: krımınaldyq qysym kórsetý men turaqsyzdyqqa ákeletin kez kelgen áreketter zań aıasynda toqtatylady.

Budan buryn Astanada aýyr qylmys jasaǵan krımınalıtet ókilderi ustalǵanyn jazǵan edik.