ІІM Almaty akademııasyna jańa basshy taǵaıyndaldy

ALMATY. KAZINFORM –   Prezıdent Ákimshiliginiń kelisimi boıynsha Іshki ister mınıstriniń buıryǵymen Maqan Esbolatov atyndaǵy ІІM Almaty akademııasynyń bastyǵy bolyp Qoblandın Qalıjan Jeńisbekuly taǵaıyndaldy. Bul týraly Polisia.kz jazdy. 

Oqý ornynyń jańa basshysyn jeke quramǵa Іshki ister mınıstriniń orynbasary Aıdar Saıtbekov tanystyrdy.

Qalıjan Qoblandınniń túrli basshylyq laýazymdarda tájirıbesi bar. Jańa laýazymǵa taǵaıyndalǵanǵa deıin ol kóliktegi polıtsııa departamenti bastyǵynyń orynbasary qyzmetin atqarǵan.

Qoblandın Qalıjan Jeńisbekuly 1980 jyly 19 tamyzda Qyzylorda oblysynda dúnıege kelgen.

2001 jyly M.Dýlatı atyndaǵy Taraz memlekettik ýnıversıtetin «Zańger» mamandyǵy boıynsha, 2006 jyly Reseı Іshki ister mınıstrliginiń Basqarý akademııasyn «Memlekettik jáne mýnıtsıpaldyq basqarý menedjeri» mamandyǵy boıynsha támamdaǵan.

2002 — 2015 jyldary — quqyq qorǵaý organynyń qyzmetkeri.

2015 — 2017 jyldary — Qyzylorda oblysynyń jergilikti polıtsııa qyzmetiniń basshysy.

2017 jyly Qyzylorda oblysynyń ishki ister departamenti bastyǵynyń orynbasary bolyp taǵaıyndaldy. Odan keıin kóliktegi polıtsııa basqarmasy bastyǵynyń birinshi orynbasary qyzmetin atqardy.