18:38, 02 Naýryz 2026 | GMT +5
ІІM: Áleýmettik jelilerde taraǵan shuǵyl habarlama shyndyqqa janaspaıdy
ASTANA. KAZINFORM – QR Іshki ister mınıstrligi áleýmettik jeliler men messendjerlerde «shuǵyl habarlandyrý» retinde tarap jatqan aqparattyń jalǵan ekenin málimdedi.
Mınıstrlik dereginshe, azamattardy belgili bir elderden kelgen adamdarmen qarym-qatynas jasamaýǵa shaqyratyn mátin resmı qujat emes jáne vedomstvo tarapynan taratylmaǵan.
ІІM turǵyndardy tek resmı aqparat kózderine súıenýge, kúmándi jáne tekserilmegen málimetterdi taratpaýǵa shaqyrdy.
Sondaı-aq jalǵan aqparatty taratý qoldanystaǵy zańnamaǵa sáıkes jaýapkershilikke ákeletinin eske saldy.
Aıta keteıik, buǵan deıin 432 500 teńge mólsherinde birjolǵy tólem taǵaıyndaý týraly aqparattyń da jalǵan ekeni habarlandy.