M. Aldashov Qazaqstannyń Damý banki Basqarma Tóraǵasynyń orynbasary bolyp saılandy
ASTANA. 27 jeltoqsan. QazAqparat - «Qazaqstan Damý Banki» AQ Dırektorlar keńesiniń 2013 jylǵy 23 jeltoqsandaǵy sheshimimen Basqarma Tóraǵasynyń orynbasary - Basqarma múshesi Qaraqulov Mırjan Eldesulynyń ótinishi negizinde onyń ókilettiligi taraptardyń kelisimimen 2013 jyldyń 23 jeltoqsanynan bastap merziminen buryn toqtatyldy.
Osy sheshim aıasynda 2013 jylǵy 24 jeltoqsannan bastap Aldashov Mars Baqtııaruly «Qazaqstannyń Damý Banki» AQ Basqarma Tóraǵasynyń orynbasary - Basqarma múshesi bolyp saılandy. Ókilettilik merzimi -«Qazaqstannyń Damý Banki» AQ Basqarmasynyń ókilettik merzimi aıaqtalǵanǵa deıin.
Osy sheshimmen Aldashov Mars Baqtııaruly «Qazaqstannyń damý Banki» AQ Basqarmasy Tóraǵasynyń orynbasary bolyp saılandy.
Mars Aldashov «Qarjy jáne nesıe», «Quqyqtaný» mamandyqtary boıynsha joǵary bilim alǵan, ekonomıka magıstri. Ár jyldary QR Ulttyq bankinde, «Qazaqstannyń Ipotekalyq Kompanııasy» AQ, QR Qarjy naryǵy men qarjy uıymdaryn retteý men qadaǵalaý agenttiginde qyzmet etken. QDB-ǵa kelgenge deıin «Tsesnabank» AQ Basqarma tóraǵasynyń orynbasary boldy.
