ІІM Aqtóbe oblysyndaǵy jol-kólik oqıǵasyn tergeý úshin arnaıy top jiberdi

ASTANA. KAZINFORM — Aqtóbe oblysyndaǵy jol-kólik oqıǵasy boıynsha qylmystyq is qozǵaldy. Bul týraly ІІM baspasóz qyzmeti habarlady. 

Oqıǵanyń mán-jaıyn anyqtaý jáne tergeý júrgizý úshin ІІM ortalyq apparatynyń arnaıy toby áýe bortymen jóneltildi.

— Іshki ister mınıstri tergeý barysyn jeke baqylaýǵa aldy. Mınıstrdiń tapsyrmasy boıynsha jol apatynan qaza tapqan azamattardyń týystaryna jan-jaqty kómek kórsetiledi, sonyń ishinde máıitterdi tasymaldaý jáne jerleý rásimderin uıymdastyrýǵa da qoldaý kórsetiledi.

Jedel tergeý júrgizý jáne barlyq qajetti sharany oryndaý úshin tıisti sharalar qabyldanatyn bolady, — dedi departament bastyǵy — ІІM resmı ókili Shyńǵys Alekeshev. 

Aıta ketelik Aqtóbede eki kólik soqtyǵysyp, 12 adam qaza tapqan edi. Jol apatynan aman qalǵan úsh adamnyń jaǵdaıy aýyr, ekeýiniń jaǵdaıy ortasha. 

Sondaı-aq Aqtóbede jol-kólik oqıǵasynan soń Samara-Shymkent tasjolynyń bir bóligi jabyldy.