ІІM: Aqnár Gúlstan isindegi beınejazbalar saraptamaǵa jiberildi

ASTANA. KAZINFORM — Іshki ister mınıstriniń orynbasary Sanjar Ádilov túsiniksiz jaǵdaıda qaıtys bolǵan Aqnár Gúlstan isi týraly pikir bildirdi. 

— Jedel tergeý toby quryldy. Jábirlenýshi taraptyń búkil ýáji tolyq kólemde tekserilip jatyr. Jeke ózim osy isti erekshe baqylaýda ustap otyrmyn. Tergeý amaldaryn bastan-aıaq ózim baqylap kelemin, — dedi Sanjar Ádilov Májilistiń jalpy otyrysynan keıin.

Sondaı-aq, ol taraptar jarııalaǵan beınejazbalardyń bári saraptamaǵa alynǵanyn atap ótti.

— Beınejazbalarǵa kelsek, qylmystyq isti tergeý aıasynda alynǵan beınejazbalardyń bárine beınefonografııalyq saraptama taǵaıyndaldy. Qylmystyq is kezinde alǵan beınejazbanyń bárin tyńǵylyqty saraptaımyz. Bul is boıynsha birneshe kýáger bar. Qazir tıisti tergeýler júrgizilip jatyr. Qyzdardan qorǵanýǵa haqyly kýáger retinde jaýap alyndy. Qazir solardyń qatysýymen tergeý júrip jatyr, — dedi Sanjar Ádilov.

Aıta keteıik, Aqnár Gúlstan esimdi turǵyn kópqabatty úıden qulap qaıtys bolǵannan keıin marqumnyń anasy áleýmettik jeli arqyly sol túni qyzben birge bolǵan qurbylaryn kúdikti retinde iske tartýdy talap etken. 

Sonymen qatar Almaty polıtsııasy Aqnar ólimine baılanysty tergeý júrgizip jatqany týraly jazǵan edik.