M. Áblıazovtiń seriktesteri Irlandııa bıliginiń nazaryna ilikti
ASTANA. 5 mamyr. QazAqparat - Irlandııa bıligi Áblıazovtiń Dýblındegi seriktesteri ashqan kompanııalardyń qyzmetterin tekserýge kiristi, dep jazady The Irish Times.
Irlandııa azamaty Fılıpp Barvell men Latvııa azamattary Sten Gorın, Erık Vanagels men ıÝrıı Vıtman birigip ofshorlyq kompanııa jelilerin qurǵan, onyń qyzmetin qazir Ýkraına, Latvııa men Qazaqstannyń quqyq qorǵaý organdary tekserý ústinde. Endi tergeý jumysyna Irlandııa bıligi de aralaspaqshy. Atap aıtar bolsaq, olardyń nazaryna Gorın men Vanagels basqarǵan Milltown Corporate Services kompanııasy iligip otyr. Bul uıym kezinde BTA bankinen shetelge aqsha aýdarý úshin Loginex Projects LLP kompanııasyn qurýǵa kómektesken.
Halyqaralyq tergeýshi-jýrnalıster konsortsıýmy usynǵan málimetterge sáıkes, 2006 men 2007 jyldary Áblıazov Brıtanııanyń Vırgınııa araldarynda 31 ofshorlyq kompanııa qurǵan eken. Qazir oǵan qazaqstandyq BTA bankinen 5 mlrd dollar kóleminde aqsha jymqyrdy degen aıyp taǵylyp otyr. Ol ózine qatysty qylmystyq is qozǵalǵannan keıin Qazaqstan aýmaǵynan 2009 jyly izin sýytqan bolatyn. Ol kezde qashqyn bankır Ulybrıtanııadan saıası baspana surap, sonyń qamqorlyǵyna ótti. Qazir Qazaqstan iri alaıaqtyq jasap, jalǵan kompanııalardyń kómegimen bank qarajatyn jymqyrdy degen aıyppen onyń ekstradıtsııalanýyn talap etýde.
Bir qyzyǵy, osyndaı ofshorlyq kompanııalardy qurý zańǵa qaıshy kelmeıdi eken. Alaıda «qýyrshaq» basshylar basqarǵan mundaı bıznestiń «shımaılanǵan» qurylymy onyń naǵyz ıesin anyqtaýǵa jáne taýyp alýǵa kedergi keltiredi. Halyqaralyq tergeýshi-jýrnalıster konsortsıýmynyń málimetterine sáıkes, ofshorlardyń kómegimen álemde 32 mlrd dollarǵa jýyq qarjy salyq súzgisinen tys aınalyp jatyr, dep habarlaıdy BNews.kz.
