M.Ábilıazovtan túsken aryzdardy endi qaramaımyz - Q.Qojamjarov
STANA. Naýryzdyń 19-y. QazAqparat /Aıdar Ospanalıev/ - «Muhtar Ábilıazovtan Tımýr Qulybaevty aıyptaýǵa qatysty jáne osy kúni qarjy polıtsııasy organdary teksergen máseleler jóninde qandaı da bir ótinish, aryzdar kelip túsetin bolsa biz olardy qaramaımyz», dedi búgin Ekonomıkalyq qylmysqa jáne sybaılas jemqorlyqqa qarsy kúres agenttiginiń tóraǵasy Qaırat Qojamjarov.
Bul týraly ol búgin jýrnalıstermen bolǵan arnaıy brıfıngte málim etti, dep habarlaıdy QazAqparat.
Onyń aıtýynsha, M.Ábilıazovtyń eldegi laýazymdy tulǵalardyń memleket qarjysyn jymqyrý áreketterine qatysty qujattar boıynsha tolyq tekserý júrgizildi. «Biz bul másele boıynsha 40 tom materıaldar men qujat jınadyq. Onyń árbir tomy 400-500 betten turady. M.Ábilıazov tek ózine ǵana qajetti, ózgeler jóninde teris pikir týdyratyn qujattardy usyndy. Sol sebepti biz onyń ózge aryzdary boıynsha endi tekserý júrgizbeımiz», dedi Q.Qojamjarov.
