M.Ábilıazov sot aldynda jaýap berýi kerek - Q.Qojamjarov
STANA. Naýryzdyń 19-y. QazAqparat /Aıdar Ospanalıev/ - «M.Ábilıazov sot aldynda jaýap berýi kerek. Sebebi ol ózgelerdi, salyq tóleýshilerdi aldap júr nemese memleket qarjysyn jymqyrdy degen aıyp taǵa otyryp, ózi osyndaı áreketterge bardy. Biz onyń jekelegen azamattardyń depozıtte jatqan qarjylaryn qalaı jymqyrǵandyǵyn bilemiz», dedi búgin Ekonomıkalyq qylmysqa jáne sybaılas jemqorlyqqa qarsy kúres agenttiginiń tóraǵasy Qaırat Qojamjarov.
Bul týraly ol búgin jýrnalıstermen bolǵan arnaıy brıfıngte málim etti, dep habarlaıdy QazAqparat.
Onyń sózine qaraǵanda, M.Ábilıazov memleket qarjysyn óte úlken mólsherde kóptegen azamattarmen aýyz jalasa otyryp jymqyrdy.
«Endi ol ózgelerdi ne dep kinalaıdy. Endi oǵan tek sot aldynda jaýap berý kerek. Al ol ózge elderden saıası baspana tabý úshin jáne jaýapkershilikten jaltarý úshin otynymyzǵa «kúıe jaǵýda». Men onyń aıyptaýlaryn eshqandaı negizsiz dep bilemin», dedi agenttik tóraǵasy.
