M.Ábilázovtiń áıeli A.Shalabaevanyń barlyq zańdy quqyqtary men bostandyǵy tolyǵymen saqtalǵan - QR SІM málimdemesi

Italıandyq bılik organdarynyń suranysy boıynsha júzege asqan ústimizdegi jylǵy 31 mamyrda Alma Shalabaeva men onyń qyzyn Qazaqstanǵa deportatsııalaý týraly sheshimdi Italııa Respýblıkasy kúshin joıǵany týraly bizge belgili.

Deportatsııa týraly sheshim qabyldaý Italııa Respýblıkasynyń ishki máselesi bolyp tabylady. Ulttyq organdarmen jer aýdarylǵan sheteldik azamattar jer aýdarǵan elge ádette belgili merzimge qaıtyp kirýine tyıym salynady. Alma Shalabaeva jáne onyń qyzyn deportatsııalaý týraly sheshiminiń kúshin joıýy, bizdiń oıymyzsha, ıtalıandyq bıliktiń olarǵa osy elge keleshekte qaıta kirýge ruqsat bergeni dep sanalady.

Qazaqstan Respýblıkasynyń zańnamasyna sáıkes, Alma Shalabaevanyń jáne onyń qyzynyń Qazaqstanǵa jer aýdarylýyna qatysty barlyq zańdar men is-áreketter, sonyń ishinde QR Rımdegi Elshiliginiń konsýldyq bólimniń qaıtýǵa ruqsat berý týraly kýáligin tapsyrý áreketi de tıisti túrde saqtalǵan.

Qazirgi tańda Alma Shalabaeva men onyń qyzy Almaty qalasynda Shalabaevanyń áke-sheshesimen birge turyp jatyr. Shalabaeva qamaýǵa nemese úı qamaqqa alynbaǵan. Alaıda, qazirgi ýaqytta ol onyń kúıeýi M.Ábilázovtiń týysqandaryna zańsyz berilgen qazaqstandyq tólqujattar týraly jeke istiń fıgýranty bolyp tabylady. Qazaqstannyń quqyq qorǵaý organdary ózderiniń sheteldik áriptesterine A.Shalabaevanyń zańsyz alǵan tólqujattardy qoldanǵany týraly jáıtterdi anyqtaý úshin tıisti suranystardy joldady.

A.Shalabaevanyń tergeý aıaqtalǵansha elden ketip qalmaýyn qamtamasyz etý maqsatynda odan Almaty qalasynan (óz erkimen tergeý kezeńinde áke-sheshesimen turatyn jer retinde tańdap alǵan qala) shyqpaý týraly qolhat alyndy. Qazaqstan Respýblıkasynyń zańnamasymen jáne halyqaralyq quqyqpen qarastyrylǵandaı, Shalabaevanyń barlyq zańdy quqyqtary men bostandyǵy tolyǵymen saqtalǵan jáne Qazaqstan Respýblıkasynyń quqyq qorǵaý organdarymen kepildendirilgen.

Ábilázov myrza birqatar sheteldik zańnamadan jaltaryp júr. Degenmen, Shalabaeva Ábilázov jasaǵan qylmystarǵa qatysty aıyptalyp otyrǵan joq jáne onyń is-áreketteri úshin qýǵynǵa ushyramaıdy.

Muhtar Ábilıazovtiń isi

Ábilázov jetekshilik etken BTA Bankiniń shotynda 15 mıllıardtan astam qarjynyń kem shyqqany belgili bolǵannan keıin, 2009 jyldan bastap Qazaqstan sot organdarynan jasyrynyp júr. M.Ábilázov osy qarjyny jymqyrdy dep aıyptaldy.

Qazirgi tańda oǵan Qazaqstanda aılakerlik jáne astyrtyn áreket jasaýmen BTA Bankiniń qarjysyn paıdalanǵany úshin, sondaı-aq uıymdasqan qylmystyq topty qurý jáne aqshany jylystatý faktileri boıynsha oǵan aıyp taǵylǵan. 2009 jyldyń naýryz aıynda Ábilázovti qamaýǵa alý jóninde halyqaralyq order berildi. Uqsas qylmystyq áreketteri úshin Ýkraına jáne Reseı bılikteri Ábilázovke jeke qamaýǵa alý jóninde order taǵaıyndady.

Sonymen qosa, Ábilázov qashyp júrgen Ulybrıtanııada BTA Bank oǵan qarsy azamattyq is uıymdastyrdy. Jaqynda Ulybrıtanııanyń Joǵarǵy Sotynyń sheshimi boıynsha M.Ábilıazovtiń 4 mıllıardqa jýyq aktıvterin bankke qaıtadan qaıtarý týraly qaýly etildi. Urlanǵan aktıvterdi jasyrý, tergeýshilikke kedergi keltirý faktileri boıynsha jáne sotty syılamaǵandyǵy úshin kináli dep tanylyp, jalpy uzaqtyǵy 22 aıǵa teń merzimge túrmege qamaýǵa alý týraly úkim shyǵarylǵannan keıin ol Ulybrıtanııadan qashyp ketti. Aqyrynda Ábilıazov osy sheshimge qarsy appelıatsııalyq shaǵym jasady, alaıda Ulybrıtanııanyń Joǵarǵy Sotymen qanaǵattandyrylmady.

Onyń januıasy Italııada bolǵanyn eskere otyryp, bizdiń oıymyzsha, Ábilıazov te osy memlekette bolǵan nemese áli de bolý múmkin dep sanaımyz. Italııanyń quqyq qorǵaý organdary Muhtar Ábilıazovti tabý jáne qamaýǵa alý áreketterin ári qaraı júrgizýde. Ol kóptegen memleketterdiń tergeý organdary qýǵynynan ári qaraı jasyrynýda. Óz tarapynan Muhtar Ábilıazovti jaýapqa tartý maqsatynda, halyqaralyq áriptesterimizben birge, jumystyń aldaǵy tergeý sharalaryn ári qaraı júrgizemiz.