M. Ábilázov pen BTA Banktiń burynǵy basshylaryna qatysty taǵy 8 qylmystyq is qozǵaldy - QR qarjy polıtsııasy
ASTANA. 7 tamyz. QazAqparat - Qashqynda júrgen bankır Muhtar Ábilázov pen onyń sybaılastarynyń ústinen qarjy polıtsııasy taǵy 8 qylmystyq is qozǵady. Bul týraly búgin brıfıngte QR Ekonomıkalyq qylmysqa jáne sybaılas jemqorlyqqa qarsy agenttiginiń resmı ókili Murat Jumanbaı habarlady.
«Qarjy polıtsııasynyń tergeý-jedel toby «BTA Bank» AQ-nyń qarjysyn jymqyrý faktisi boıynsha qylmystyq isterdi tergeý barysynda Muhtar Ábilázovtiń jáne banktiń basqa da burynǵy basshylarynyń ústinen offshorly kompanııalarǵa qasaqana qaıtarymsyz nesıeler berip, bankke 317 mln. AQSh dollary kóleminde zııan keltirgeni úshin taǵy 8 qylmystyq is qozǵady. Qylmystyq ister tergelý ústinde. Tergeý barysyna nuqsan keltirmeý maqsatynda ózge aqparattar jarııalanbaıdy», - dedi M. Jumanbaı.
