ІІM: 1256 zańsyz qoqys úıindisi joıyldy

ASTANA. KAZINFORM — 2024 jyldyń 15 sáýirinen bastap búkil el boıynsha «Taza Qazaqstan» aktsııasy ótip jatyr.

Onyń maqsaty — qorshaǵan ortanyń lastaný máselesine nazar aýdarý, tabıǵatty qorǵaý jáne ekologııalyq mádenıetti qalyptastyrý.

Polıtsııa qyzmetkerleri belsendi azamattarmen birlesip reıdter ótkizip, zańsyz qoqys tastaý oryndary men qaldyqtardy tógý faktilerin anyqtap jatyr.

Sondaı-aq turǵyndar men uıymdarǵa túsindirý jumystaryn júrgizip, tártip saqtaýdyń mańyzdylyǵyn eske salyp keledi.

Polisia.kz-tiń málimetinshe aktsııa bastalǵaly beri 2 426 ruqsat etilmegen qoqys úıindisi anyqtaldy. 480 myńnan astam quqyqbuzýshy jaýapkershilikke tartyldy. Jergilikti atqarýshy organdarǵa quqyqbuzýdy joıý týraly 1 500-den astam usynym joldanyp, sonyń negizinde 1 256 qoqys úıindisi joıyldy. 

— Esińizde bolsyn: taza tabıǵat — barshamyz úshin qaýipsiz ári jaıly ómirdiń kepili. Ekologııany qorǵaıyq, quqyqbuzý týraly 102 nómirine nemese iKomek — 109 qyzmeti arqyly habarlańyz. Qazaqstandy birge taza jáne kórikti eteıik, — dedi vedomstvoda.

Aıta ketelik Ekologııa mınıstrligi qoqys polıgondaryn ýtıl alym esebinen salmaq.