Lıýksembýrgten Bolgarııaǵa deıin: EO elderinde bir saǵattyq eńbek aqysy qansha
ASTANA. KAZINFORM — Eýropalyq Odaqta eńbek qunynyń jańa reıtıngi jarııalandy, dep habarlaıdy DW.
Germanııanyń Vısbaden qalasyndaǵy Federaldyq statıstıkalyq vedomstvonyń esebine sáıkes, 2025 jyly Germanııada óndiris pen qyzmet kórsetý salalaryndaǵy bir saǵattyq eńbektiń quny orta eseppen 45 eýro shamasynda bolǵan. Osylaısha, Germanııa eńbek kúshi quny eń joǵary Eýropa Odaǵy elderiniń reıtınginde 5-orynǵa jaıǵasty.
Eń joǵary kórsetkish Lıýksembýrgte tirkelgen — saǵatyna 56,80 eýro. Odan keıin Danııa (51,70 eýro), Nıderland (47,90 eýro) jáne Avstrııa (46,30 eýro) tur.
EO ishinde eńbek kúshi eń arzan el — Bolgarııa ekeni anyqtaldy, munda bir saǵattyq jumys quny 12 eýroǵa teń eken. Sondaı-aq tizimniń tómengi jaǵynda Rýmynııa (13,60 eýro) jáne Majarstan (15,20 eýro) ornalasqan.
Eńbek shyǵyndaryna qyzmetkerdiń tikeleı jalaqysy ǵana emes, sonymen qatar salyqtyq aýdarymdar men jumys berýshiniń áleýmettik saqtandyrý qorlaryna tóleıtin jarnalary da kiredi.
Buǵan deıin alty eýropalyq eldiń áýejaılarynda EES bıometrııalyq sáıkestendirý júıesi birneshe saǵatqa sozylǵan kezek týdyrǵanyn jazǵan edik. Áýe kompanııalardyń basshylary dabyl qaǵyp, jazdyń sońyna deıin júıeniń jumysyn toqtatýdy talap etti.
