Lıýksembýrgte «Qazaq handyǵy. Altyn taq» fılmi kórsetiledi
NUR-SULTAN. QazAqparat - 16 qarashada Lıýksembýrg qalasynda QR Mádenıet jáne sport mınıstrligi tapsyrysy boıynsha túsirilgen «Qazaq handyǵy. Almas qylysh» tarıhı fılmi kórsetiledi, dep habarlaıdy QazAqparat «Qazaqfılm» kınostýdııasyna silteme jasap.
Tarıhı kınotýyndynyń rejısseri – Qazaqstan Respýblıkasynyń Eńbek sińirgen qaıratkeri, kınorejısser, stsenarıst jáne sýretshi Rústem Ábdirashov. Ol «Quraq kórpe», «Qaladan kelgen qyz», «Stalınge syılyq», Elbasy joly kınoepopeıasynyń: «Balalyq shaǵymnyń aspany», «Ot-ózen», «Temirtaý», «Tyǵyryqtan jol tapqan» kınotýyndylarynyń jáne «Qazaq handyǵy» serıalynyń avtory.
«Qazaq handyǵy. Almas qylysh» fılmi tarıhı «Qazaq handyǵy» kınodıologııasynyń birinshi bólimi. Bul aýqymdy tarıhı jobanyń ıdeıa avtory – QR Tuńǵysh Prezıdenti – Elbasy N.Á.Nazarbaev. Fılmniń stsenarıi Іlııas Esenberlınniń «Almas qylysh» romanynyń jelisi boıynsha jazylǵan. Bul fılm Kereı men Jánibek handardyń handyq quryp, irge keńeıtý, memlekettiń bosaǵasyn bekemdeý barysyn sýretteıdi.
Lıýksembýrg qalasynda ótetin fılmniń kórsetilimin Ortalyq Azııa men Eýropa arasynda mádenı kópir ornalastyrýǵa baǵyttalǵan kommertsııalyq emes Kazakhstan-Luxembourg Cooperation atty uıym uıymdastyryp otyr.
Kórsetilim 16 qarashada Lıýksembýrg qalasynyń ýaqyty boıynsha saǵat 15:45-te Kinepolis Kirchberg kınoteatrynda ótedi.
Eske sala ketsek, atalmysh fılmi Amerıka kınoakademııasynyń «Oskar» syılyǵyna «Shet tildegi eń úzdik fılm» nomınatsııasyna usynyldy.
