Lıýksembýrg SІM basshysy Qazaqstandaǵy reformalarǵa qoldaý bildirdi

BRıÝSSELЬ. QazAqparat – Lıýksembýrg Uly Gertsogtiginiń syrtqy jáne eýropalyq ister mınıstri Jan Asselborn Qazaqstan Respýblıkasynyń Elshisi Marǵulan Baımuqandy qabyldady, dep habarlaıdy QazAqparat menshikti tilshisi.

Kezdesý barysynda taraptar Qazaqstan-Lıýksembýrg qatynastaryn damytýǵa baǵyttalǵan aldaǵy saıası jáne ekonomıkalyq sharalardy talqylady.

2023 jyly Lıýksembýrgtiń resmı tulǵalary men bıznes-mıssııalarynyń Qazaqstanǵa josparlanǵan saparlaryna erekshe nazar aýdaryldy. Sondaı-aq, halyqaralyq kólik-tranzıttik marshrýttardy tıimdi paıdalaný máseleleri sóz boldy.

Qazaqstandyq dıplomat syrtqy ister mınıstri Jan Asselbornǵa QR Prezıdenti Qasym-Jomart Toqaevtyń qyrkúıek aıyndaǵy Joldaýynyń negizgi aspektileri, sondaı-aq eldiń memlekettik basqarý júıesin odan ári jańǵyrtýǵa jáne qoǵamnyń ál-aýqatyn arttyrýǵa baǵyttalǵan saıası-ekonomıkalyq ózgerister týraly aıtty.

Óz kezeginde Jan Asselborn Qazaqstanda júrgizilip jatqan reformalardyń mańyzdylyǵyn atap ótip, Lıýksembýrg tarapynyń aradaǵy yntymaqtastyqty tereńdetýge múddeliligin atap ótti.

Taraptar josparlanǵan is-sharalardy júzege asyrý úshin tyǵyz baılanysta bolatyndaryn aıtty.