Lıýksembýrg Premer-Mınıstri Astanada
ASTANA. QazAqparat - Lıýksembýrg Uly Gertsogtiginiń Premer-Mınıstri Ksave Bettel Astanaǵa keldi, dep habarlaıdy QazAqparat.
Mártebeli meımandy elorda áýejaıynan Qazaqstannyń Qorǵanys jáne aeroǵarysh ónerkásibi mınıstri Beıbit Atamqulov pen Astana qalasy ákiminiń orynbasary Malıka Bekturova kútip aldy.
Aıta keterligi, erteń keshkisin ótetin halyqaralyq mamandandyrylǵan kórmeniń saltanatty ashylý rásimine 17 eldiń memleket jáne úkimet basshylary qatysatyn bolady.
«Shanhaı yntymaqtastyq uıymy otyrysy aıaqtalǵannan keıin EKSPO-nyń saltanatty ashylýy bolady. Biz ashylý saltanatyna 17 eldiń memleket jáne úkimet basshylaryn kútip otyrmyz. Munan bólek, qatysýshy elderdiń atynan zańnamalyq organdardyń ókilderi, mınıstrleri qatysatyn bolady. Qazirgi ýaqytta bizde osyndaı naqtylanǵan málimet bar», - degen edi elimizdiń Syrtqy ister mınıstri Qaırat Ábdirahmanov.
Buǵan deıin elordada 8-9 maýsym kúnderi ótetin Shanhaı yntymaqtastyq uıymy sammıtine qatysý úshin Aýǵanstan Prezıdenti Ashraf Ganı Ahmadzaı, Mońǵolııa Prezıdenti Tsahıagıın Elbegdorj, QHR Tóraǵasy Sı Tszınpın, Ózbekstan Prezıdenti Shavkat Mırzıeev, Pákistan Prezıdenti Mamnýn Hýseın, Reseı Prezıdenti Vladımır Pýtınniń kelgenin habarlaǵan bolatynbyz.
ShYU sammıti barysynda Pákistan men Úndistan atalǵan uıymǵa múshelikke qabyldanady dep kútilýde. Osylaısha, ShYU jer turǵyndarynyń 40 paıyzyn, álem ekonomıkasynyń shamamen úshten birin qamtıtyn bolady. Búginde uıymǵa Reseı, Qytaı, Qazaqstan, Qyrǵyzstan, Tájikstan jáne Ózbekstan elderi múshe. Qazirgi ýaqytta ShYU tóraǵasy - Qazaqstan. Erteńgi sammıt barysynda tóraǵalyq Qytaı tarapyna ótedi.
