Lıýksembýrg Palestınany resmı túrde moıyndaıdy

ASTANA. KAZINFORM – Bul týraly Eýropalyq eldiń premer-mınıstri Lıýk Frıden men Syrtqy ister mınıstri Ksave Bettel málimdedi, dep habarlaıdy Kazinform menshikti tilshisi.

RTL telearnasynyń habarlaýynsha, Lıýksembýrgtiń ustanymy dúısenbi kúni parlamenttik komıssııanyń otyrysynda resmı túrde jarııalanǵan.

Aqparatqa sáıkes, Lıýksembýrgte Palestınany taný máselesi kópten beri talqylanyp keledi. Biraq el «qolaıly sátti» kútti.

Lıýksembýrg úkimeti BUU Bas assambleıasynyń otyrysynda Palestınany taný úshin Frantsııa, Ulybrıtanııa, Kanada jáne Belgııaǵa qosylady dep josparlanyp otyr.

Ótken juma kúni BUU Bas assambleıasy Palestına máselesin beıbit jolmen retteý jáne eki memleket — Izraıl men Palestınany qurý týraly sheshimdi júzege asyrý týraly deklaratsııany basym daýyspen maquldaǵanyn jazǵan bolatynbyz.