Lıýksembýrg kompanııalarynyń «Nurly jol» baǵdarlamasyna qatysqanyna múddelimiz - Ábdiqalyqova

ASTANA. QazAqparat - Lıýksembýrg kompanııalarynyń «Nurly jol» baǵdarlamasyna qatysqanyna múddelimiz. Búgin Aqordada Lıýksembýrg Uly Gertsogtiginiń Elshisi Antýan Somdadan senim gramotasyn qabyldaǵan elimizdiń Memlekettik hatshysy Gúlshara Ábdiqalyqova osylaı málim etti, dep habarlaıdy QazAqparat.

Kezdesý barysynda Ábdiqalyqova Býrkıno Faso eliniń Azyq-túlik qaýipsizdigi jónindegi ıslam uıymynyń jarǵysyna qosylǵandyǵy úshin rızashylyq bildirdi.

«Biz lıýksembýrgtik kompanııalardyń «Nurly jol» men Qazaqstannyń Indýstrıaldy-ınnovatsııalyq baǵdarlamasynyń ekinshi kezeńine qatysýlaryna múddelimiz», - dedi Memlekettik hatshy.

Býrkıno Faso Elshisi kezdesýden deıin BAQ ókilderine arnaıy suhbat berip, eliniń aqparattyq tehnologııalar, kommýnıkatsııalar jáne kólik salalary jaqsy damyǵandyǵyn atap ótti.

«Qazaqstannyń isker toptaryn osy múmkinshilikterimizdi paıdalanýǵa ári jemisti ekonomıkalyq yntymaqtastyq ornatýǵa shaqyramyn. Býrkıno Faso óziniń áleýmettik-ekonomıkalyq damý josparyn bekitti. Qazirgi ýaqytta biz ony jan-jaqty engizip, barlyq salada júzege asyrýǵa tyrysýdamyz. Men bul múmkinshilikterdi de qazaq iskerleriniń paıdalana alatyndyǵyn atap ótkim keledi», - dedi Antýan Somda.